എം.ബി.എ സ്‌പോട്ട് അഡ്മിഷന്‍
സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇന്‍സ്റ്റിറ്റ്യൂട്ടായ കിറ്റ്‌സില്‍ എം.ബി.എ ട്രാവല്‍ ആന്‍ഡ് ടൂറിസം കോഴ്‌സില്‍ ഒഴിവുള്ള ഏതാനും സീറ്റിലേക്ക് ആഗസ്ത് 14ന് രാവിലെ 10ന് സ്‌പോട്ട് അഡ്മിഷന്‍ നടത്തും. അംഗീകൃത സര്‍വ്വകലാശാലയില്‍ നിന്നും ഏതെങ്കിലും വിഷയത്തില്‍ 50 ശതമാനം മാര്‍ക്കോടെ ഡിഗ്രിയും കെ.മാറ്റ്/സി.മാറ്റ്/ക്യാറ്റ് യോഗ്യതയും ഉള്ളവര്‍ക്ക് പങ്കെടുക്കാം. എസ്.സി, എസ്.ടി വിദ്യാര്‍ഥികള്‍ക്ക് സര്‍ക്കാര്‍ അനുവദിച്ച സംവരണവും ആനുകൂല്യങ്ങളും ലഭിക്കും. കൂടുതല്‍ വിവരങ്ങള്‍ക്ക് www.kittsedu.org. ഫോണ്‍: 9446529467, 9447079763, 04712327707, 0471 2329468.

ലേബര്‍ കോടതി സിറ്റിങ്

കോഴിക്കോട് ലേബര്‍ കോടതി പ്രിസൈഡിങ് ഓഫീസര്‍ രാജീവ് ജയരാജ് ഓഗസ്റ്റ് 30ന് രാവിലെ 11ന് പാലക്കാട് ആര്‍.ഡി.ഒ കോടതി ഹാളില്‍ തൊഴില്‍തര്‍ക്ക സംബന്ധമായി പാലക്കാട് ക്യാമ്പ് സിറ്റിങില്‍ വിളിച്ചുവരുന്ന എല്ലാ കേസുകളും വിചാരണ ചെയ്യും. ഫോണ്‍: 0495 2374554.

ഹെപ്പറ്റൈറ്റിസ് ദിനാചരണം

ലോക ഹെപ്പറ്റൈറ്റിസ് ദിനാചരണത്തിന്റെ ജില്ലാതല ഉദ്ഘാടനം ജില്ലാ ജയിലില്‍ വെച്ച് ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ.കാവ്യ കരുണാകരന്‍ നിര്‍വഹിച്ചു. ‘ഇത് പ്രവര്‍ത്തിക്കാനുള്ള സമയമാണ്’ എന്നതാണ് ഈ വര്‍ഷത്തെ ഹെപ്പറ്റൈറ്റിസ് ദിന സന്ദേശം. ഉദ്ഘാടനത്തോടനുബന്ധിച്ച് ജയില്‍ അന്തേവാസികള്‍ക്കായി ഹെപ്പറ്റൈറ്റിസ് ബി, സി എന്നിവയ്ക്കുള്ള സ്‌ക്രീനിങ്ങ് ടെസ്റ്റും ബോധവല്‍ക്കരണ ക്ലാസും നടത്തി. പുരുഷ അന്തേവാസികള്‍ക്കായി ജൂനിയര്‍ അഡ്മിനിസ്ട്രറ്റീവ് മെഡിക്കല്‍ ഓഫീസര്‍ ഡോ.കെ.വി.ഗീതയും വനിത അന്തേവാസികള്‍ക്കായി ജില്ലാ സര്‍വൈലന്‍സ് ഓഫീസര്‍ ഡോ.ഗീതു മരിയ ജോസഫും ക്ലാസെടുത്തു. ജില്ലാ ജയില്‍ സൂപ്രണ്ട് കെ.മുഹമ്മദ് സിയാദ് അധ്യക്ഷനായി. ജയില്‍ വെല്‍ഫയര്‍ ഓഫീസര്‍ മന്‍സി സി. പരീത്, ജില്ലാ ആരോഗ്യ വകുപ്പ് എം.സി.എച്ച് ഓഫീസര്‍ കെ.പാര്‍വ്വതി, കേരള എയ്ഡ്സ് കണ്‍ട്രോള്‍ സൊസൈറ്റി പ്രൊജക്ട് കോര്‍ഡിനേറ്റര്‍ കെ.ജെ.ജിഷിത, മലമ്പുഴ കുടുംബാരോഗ്യ കേന്ദ്രം ഹെല്‍ത്ത് ഇന്‍സ്‌പെക്ടര്‍ പി.ഉദയകുമാര്‍, ഡെപ്യൂട്ടി ജില്ലാ എഡ്യുക്കേഷന്‍ മീഡിയ ഓഫീസര്‍ പി.പി.രജിത തുടങ്ങിയവര്‍ സംസാരിച്ചു.

മഞ്ഞ അലര്‍ട്ട്

ജില്ലയില്‍ ഓഗസ്റ്റ് 14ന് കേന്ദ്ര കാലാവസ്ഥാവകുപ്പ് മഞ്ഞ അലര്‍ട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കുന്നത്.

യുദ്ധഭീകരതാ സ്മരണ ദിനാചരണം

ലീഡ് ബാങ്കിന്റെ നേതൃത്വത്തില്‍ യുദ്ധഭീകരതാ സ്മരണ ദിനമായി മൂന്ന് ദിവസത്തെ പ്രദര്‍ശന പരിപാടി കാനറാ ബാങ്ക് സുല്‍ത്താന്‍പേട്ട ശാഖ പരിസരത്ത് മുതിര്‍ന്ന പൗരനായ ഗോപാലകൃഷ്ണന്‍ ഉദ്ഘാടനം ചെയ്തു. ലീഡ് ഡിസ്ട്രിക്ട് മാനേജര്‍ പി.ടി.അനില്‍കുമാര്‍ അധ്യക്ഷനായി. വിശിഷ്ട സേവാ മെഡല്‍ ജേതാവായ റിട്ട. മേജര്‍ ജനറല്‍ ഡോ.പി.സുഭാഷ് മുഖ്യപ്രഭാഷണം നടത്തി. സ്വാതന്ത്ര്യ സമരസേനാനി ബാലകൃഷ്ണന്‍ നായരുടെ മകള്‍ പ്രേമലത മുഖ്യാതിഥിയായി. എക്‌സിബിഷന്റെ ഭാഗമായി വിഭജന കാലഘട്ടത്തിലെ പലായനങ്ങളുടെയും പ്രക്ഷോഭങ്ങളുടെയും പത്രകുറിപ്പുകളും ദൃശ്യങ്ങളും പൊതുജനങ്ങള്‍ക്കായി പ്രദര്‍ശിപ്പിച്ചിട്ടുണ്ട്. കാനറാ ബാങ്ക് റീജിയണല്‍ ഓഫീസില്‍ലെ ഡിവിഷണല്‍ മാനേജര്‍ സുരേഷ് കുമാര്‍, ലീഡ് ബാങ്ക് മാനേജര്‍ എ.രെഹ്ന, കാനറാ ബാങ്ക് സുല്‍ത്താന്‍പേട്ടാ ശാഖാ മാനേജര്‍ സി.ശിവരാമന്‍, ലീഡ് ബാങ്ക് കസ്റ്റമര്‍ സര്‍വീസ് അസ്സോസിയേറ്റ് വി.ആര്‍.രമ്യ, നബാര്‍ഡ് ഡിസ്ട്രിക്ട് ഡെവലെപ്‌മെന്റ് മാനേജര്‍ കവിത റാം, കാനറാ ബാങ്ക് റീറ്റെയ്ല്‍ അസറ്റ് ഹബ് ചീഫ് മാനേജര്‍ ശാന്താ പൂജാരി എന്നിവര്‍ പങ്കെടുത്തു. പ്രദര്‍ശനം ഓഗസ്റ്റ് 15ന് സമാപിക്കും.

താലൂക്ക് വികസന സമിതി യോഗം

ഓഗസ്റ്റ് മാസത്തെ പാലക്കാട് താലൂക്ക് വികസന സമിതി യോഗം 17ന് രാവിലെ 10.30ന് പാലക്കാട് താലൂക്ക് കോണ്‍ഫറന്‍സ് ഹാളില്‍ വച്ച് ചേരുമെന്ന് തഹസില്‍ദാര്‍ അറിയിച്ചു.

സാമ്പത്തിക സഹായത്തിന് അപേക്ഷ ക്ഷണിച്ചു

രണ്ട് ലക്ഷം രൂപയില്‍ താഴെ വരുമാനമുള്ള പെന്‍ഷന്‍ ഇല്ലാത്ത വിമുക്തഭടന്മാര്‍, വിമുക്തഭടന്‍മാരുടെ വിധവകള്‍ എന്നിവര്‍ക്ക് എസ്.എം.ബി.എഫ്, ഡി.എം.ബി.എഫ് എന്നിവയില്‍ നിന്നുളള ഒറ്റത്തവണ സാമ്പത്തിക സഹായത്തിന് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി സെപ്റ്റംബര്‍ 15. ഫോണ്‍: 0491 2971633.

ബയോ മെട്രിക് മസ്റ്ററിങ് നടത്തണം

കേരള ബീഡി – ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്ന് 2023 ഡിസംബര്‍ 31 വരെ പെന്‍ഷന്‍ അനുവദിച്ച മസ്റ്ററിങ് ചെയ്യാന്‍ ബാക്കിയുള്ള ഗുണഭോക്താക്കള്‍ ഓഗസ്റ്റ് 24നുള്ളില്‍ വാര്‍ഷിക മസ്റ്ററിങ് നടത്തണമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. മസ്റ്ററിങ് ചെയ്ത ഗുണഭോക്താക്കള്‍ ബോര്‍ഡ് ഓഫീസില്‍ വിവരം അറിയിക്കണം. ഫോണ്‍: 0497 2706133.

സൈക്കോളജി അപ്രന്റീസ് നിയമനം

അട്ടപ്പാടി രാജീവ്ഗാന്ധി സ്മാരക സര്‍ക്കാര്‍ ആര്‍ട്‌സ് ആന്‍ഡ് സയന്‍സ് കോളേജില്‍ 2024-25 അധ്യയന വര്‍ഷത്തേക്ക് സൈക്കോളജി അപ്രന്റീസ് താല്‍ക്കാലിക നിയമനം നടത്തും. സൈക്കോളജിയില്‍ ബിരുദാനന്തര ബിരുദമാണ് അടിസ്ഥാന യോഗ്യത. ക്ലിനിക്കല്‍ സൈക്കോളജി, പ്രവൃത്തിപരിചയം തുടങ്ങിയവ അഭിലഷണീയ യോഗ്യത. ഉദ്യോഗാര്‍ഥികള്‍ ഓഗസ്റ്റ് 22ന് ഉച്ചയ്ക്ക് ഒന്നിന് അസ്സല്‍ രേഖകളും പകര്‍പ്പുകളുമായി പ്രിന്‍സിപ്പാളുടെ ഓഫീസില്‍ ഇന്റര്‍വ്യൂന് ഹാജരാകണം. ഉദ്യോഗാര്‍ഥികള്‍ ഓഗസ്റ്റ് 20ന് മുന്‍പായി അപേക്ഷയും അസ്സല്‍ സര്‍ട്ടിഫിക്കറ്റുകളും guestinterviewgca@gmail.com. എന്ന ഇമെയില്‍ അയയ്ക്കണം.

പാര്‍ട്ട് ടൈം ഡെമോന്‍സ്‌ട്രേറ്റര്‍ ഒഴിവ്

പാലക്കാട് വടക്കഞ്ചേരിയില്‍ പ്രവര്‍ത്തിക്കുന്ന ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടിലേക്ക് 2024-25 അധ്യയന വര്‍ഷത്തേക്ക് താല്‍ക്കാലിക മണിക്കൂര്‍ വേതനാടിസ്ഥാനത്തില്‍ പാര്‍ട്ട് ടൈം ഡെമോന്‍സ്‌ട്രേറ്റര്‍ തസ്തികയിലേക്ക് അപേഷ ക്ഷണിച്ചു. മൂന്ന് വര്‍ഷത്തില്‍ കുറയാത്ത അഗീകൃത ഹോട്ടല്‍ മാനേജ്മെന്റ് ഡിഗ്രി/ഡിപ്ലോമയും, രണ്ട് വര്‍ഷത്തെ പ്രവൃത്തിപരിചയവുമുള്ളവര്‍ക്ക് അപേക്ഷിക്കാം. അപേക്ഷ അയക്കേണ്ട ഈ-മെയില്‍ വിലാസം fcipalakkad@gmail.com. അപേക്ഷ ലഭിക്കേണ്ട അവസാന തിയതി ഓഗസ്റ്റ് 23ന് വൈകിട്ട് അഞ്ച് വരെ. ഫോണ്‍: 04922 256677, 9142190406.

എം.സി.എ, ബി.സി.എ സീറ്റൊഴിവ്

കാലിക്കറ്റ് സര്‍വകലാശാലയുടെ കൊടുവായൂരില്‍ പ്രവര്‍ത്തിക്കുന്ന സി.സി.എസ്.ഐ.ടിയില്‍ എം.സി.എ, ബി.സി.എ ജനറല്‍, സംവരണ സീറ്റുകളില്‍ ഒഴിവുണ്ട്. കോളേജില്‍ നേരിട്ടെത്തി അപേക്ഷിക്കാം. എസ്.സി, എസ്.ടി, ഒ.ഇ.സി വിഭാഗക്കാര്‍ക്ക് സമ്പൂര്‍ണ ഫീസിളവ് ലഭിക്കും. ഫോണ്‍ 9447525716.

വനിതാ കമ്മിഷന്‍ അദാലത്ത് 16ന്

വനിതാ കമ്മിഷന്‍ ജില്ലാതല അദാലത്ത് ഓഗസ്റ്റ് 16ന് രാവിലെ 10ന് പാലക്കാട് ഗവ ഗസ്റ്റ്ഹൗസ് ഹാളില്‍ നടക്കും.

ബിരുദ കോഴ്‌സുകളില്‍ സീറ്റൊഴിവ്

തൃത്താല ഗവ ആര്‍ട്‌സ് ആന്‍ഡ് സയന്‍സ് കോളേജില്‍ ഒന്നാം വര്‍ഷ ബിരുദ കോഴ്‌സുകളില്‍ സീറ്റൊഴിവുണ്ട്. ബി.കോം ഫിനാന്‍സ്: എസ്.ടി – 3, ബി.എ ഇംഗ്ലീഷ് : എസ്.ടി – 2, ബി.എസ്.സി മാത്തമാറ്റിക്‌സ്: എസ്.സി – 4, എസ്.ടി – 1, ഇ.ഡബ്ല്യു.എസ് – 1 എന്നിങ്ങനെയാണ് ഒഴിവ്. യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ കോപ്പി, കലിക്കറ്റ് സര്‍വകലാശാല അഡ്മിഷന്‍ പോര്‍ട്ടലില്‍ രജിസ്റ്റര്‍ ചെയ്തതിന്റെ പ്രിന്റ് ഔട്ട് എന്നിവയടങ്ങിയ അപേക്ഷ ഓഗസ്റ്റ് 14ന് രാവിലെ 11ന് മുമ്പായി കോളേജില്‍ ഹാജരാക്കണം. ഫോണ്‍ 0466 2270335, 2270353.

അസാപ് കേരളയുടെ സൂപ്പര്‍ 100 പദ്ധതിക്ക് തുടക്കമായി

കേരള സര്‍ക്കാരിന്റെ നൈപുണ്യ വികസന കമ്പനിയായ അസാപ് കേരളയും ജില്ലാ ഭരണകൂടവും റബ്ഫിലാ ഇന്റര്‍നാഷണല്‍ പ്രൈവറ്റ് ലിമിറ്റഡും സംയുക്തമായി നടപ്പിലാക്കുന്ന സൂപ്പര്‍ 100 പദ്ധതിയുടെ നൈപുണ്യ വികസന പരിപാടികളുടെ ഉദ്ഘാടനം അസിസ്റ്റന്റ് കലക്ടര്‍ ഡോ.എസ്.മോഹനപ്രിയ, റബ്ഫിലാ ഇന്റര്‍നാഷണല്‍ മാനേജിങ് ഡയറക്ടര്‍ ജി.കൃഷ്ണകുമാര്‍ എന്നിവര്‍ ചേര്‍ന്ന് അഗളി ഇ.എം.എസ് ടൗണ്‍ ഹാളില്‍ നിര്‍വഹിച്ചു. പട്ടികവര്‍ഗ്ഗ വിഭാഗത്തില്‍പ്പെട്ട 100 സ്‌കൂള്‍ വിദ്യാര്‍ഥിനികളെ അടുത്ത ഒരു വര്‍ഷത്തില്‍ സോഫ്റ്റ് സ്‌കില്‍ ട്രെയിനിങ്, ഏകദിന ക്യാമ്പുകള്‍, റെസിഡന്‍ഷ്യല്‍ ക്യാമ്പുകള്‍, യാത്രകള്‍, ഇന്‍ഡസ്ട്രി സന്ദര്‍ശനങ്ങള്‍, കൗണ്‍സിലിങ് സെഷനുകള്‍ തുടങ്ങിയവ നല്‍കി മികച്ച കരിയര്‍ പടുത്തുയര്‍ത്താന്‍ സഹായിക്കുന്നതിനാണ് പദ്ധതി ലക്ഷ്യമിടുന്നത്. അഗളി ഗവ. വൊക്കേഷണല്‍ ഹയര്‍ സെക്കന്ററി സ്‌കൂളില്‍ നിന്നും മുക്കാലി മോഡല്‍ റസിഡന്‍ഷ്യല്‍ സ്‌കൂളില്‍ നിന്നുമുള്ള 100 വിദ്യാര്‍ഥിനികളെയാണ് തെരഞ്ഞെടുത്തത്. റബ്ഫിലാ ഇന്റര്‍നാഷണല്‍ എ.ജി.എം സുധേഷ്, അഗളി വാര്‍ഡ് മെമ്പര്‍ കണ്ണമ്മ, എം.ആര്‍എസ് മുക്കാലി ഹെഡ്മിസ്ട്രസ് എ.ജ്യോതി, സൂപ്രണ്ട് സി.രാജലക്ഷ്മി, അഗളി ജി.വി.എച്ച്.എസ്.എസ് ഹെഡ്മിസ്ട്രസ് ജി.സെലിന്‍ മേരി, ഐ.എച്ച്.ആര്‍.ഡി കോളേജ് ഓഫ് അപ്ലൈഡ് സയന്‍സ് പ്രിന്‍സിപ്പല്‍ ജെ.ആര്‍.സാജന്‍,  അസാപ് കേരള സൂപ്പര്‍ 100 പ്രൊജക്റ്റ് കോര്‍ഡിനേറ്റര്‍ ഇ.എന്‍.അഞ്ജലി എന്നിവര്‍ സംസാരിച്ചു.

ഫാര്‍മസിസ്റ്റ് ഒഴിവ്

കുത്തനൂര്‍ കുടുംബാരോഗ്യ കേന്ദ്രത്തിലെ ആശുപത്രി വികസന സമിതിയുടെ കീഴില്‍ താല്‍ക്കാലികാടിസ്ഥാനത്തില്‍ ദിവസവേതനത്തില്‍ ഒരു ഫാര്‍മസിസ്റ്റിന് നിയമിക്കുന്നതിന് ഡി.ഫാം, ബി.ഫാം പാസായ പ്രവൃത്തിപരിചയമുള്ളവരില്‍നിന്ന് അപേക്ഷ ക്ഷണിച്ചു. പാരാമെഡിക്കല്‍ കൗണ്‍സില്‍ രജിസ്‌ട്രേഷന്‍ നിര്‍ബന്ധം. കുത്തനൂര്‍ പഞ്ചായത്തിലുള്ളവര്‍ക്ക് മുന്‍ഗണന. പ്രായപരിധി 50 വയസിനു താഴെ. ഉദ്യോഗാര്‍ഥികള്‍ അസല്‍ രേഖകളും സ്വയം സാക്ഷ്യപ്പെടുത്തിയ പകര്‍പ്പും സഹിതം ഓഗസ്റ്റ് 21ന് രാവിലെ 11ന് കുത്തനൂര്‍ കുടുംബാരോഗ്യ കേന്ദ്രത്തിലെ ഓഫീസില്‍ നടക്കുന്ന കൂടിക്കാഴ്ച്ചയില്‍ പങ്കെടുക്കണം. നിശ്ചിത യോഗ്യത നേടാത്തവരെയും നിലവില്‍ പഠിച്ചുകൊണ്ടിരിക്കുന്ന വിദ്യാര്‍ഥികളെയും യാതൊരു കാരണവശാലും പരിഗണിക്കില്ല. അപേക്ഷകള്‍ ഓഫീസില്‍ നേരിട്ടോ ഇമെയില്‍ വഴിയോ സ്വീകരിക്കുന്നതല്ല. വൈകിയെത്തുന്ന ഉദ്യോഗാര്‍ഥികളെ നിരുപാധികം നിരസിക്കുന്നതാണ്. ഫോണ്‍ 0492 2288145.

ക്വട്ടേഷന്‍ ക്ഷണിച്ചു

ശ്രീകൃഷ്ണപുരം ഗവ എഞ്ചിനീയറിങ് കോളേജിലേക്ക് ഔദ്യോഗിക ആവശ്യത്തിലേക്കായി അഞ്ച് വര്‍ഷത്തില്‍ താഴെ പഴക്കമുള്ള ടാക്‌സി പെര്‍മിറ്റുള്ള് എ.സി വാഹനം ഡ്രൈവര്‍ ഉള്‍പെടെ ഒരു വര്‍ഷ കാലാവധിക്ക് കരാര്‍ അടിസ്ഥാനത്തില്‍ ഉപയോഗിക്കുന്നതിനായി വാഹന ഉടമകളില്‍നിന്നും മുദ്രവെച്ച ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഓഗസ്റ്റ് 16ന് ഉച്ചയ്ക്ക് രണ്ട്‌വരെ സ്വീകരിക്കും. അന്നേ ദിവസം വൈകിട്ട് മൂന്നിന് ക്വട്ടേഷന്‍ തുറക്കും. വിശദവിവരങ്ങള്‍ www.gecskp.ac.in ല്‍ ലഭിക്കും. ഫോണ്‍: 0466 2260565.

ക്വട്ടേഷന്‍ ക്ഷണിച്ചു

കെ.ആര്‍.എഫ്.ബി പാലക്കാട് മലപ്പുറം പ്രൊജക്റ്റ് മാനേജ്മന്റ് യൂണിറ്റിലെ ഔദ്യോഗിക ആവശ്യത്തിലേക്കായി ഒരു 7 സീറ്റര്‍ എ.സി വാഹനം ഒരു വര്‍ഷ കാലാവധിക്ക് കരാര്‍ അടിസ്ഥാനത്തില്‍ ഉപയോഗിക്കുന്നതിനായി ക്വട്ടേഷന്‍ ക്ഷണിച്ചു. വിശദവിവരങ്ങള്‍ കെ.ആര്‍.എഫ്.ബി ഷൊര്‍ണൂര്‍ ഓഫീസില്‍ നിന്ന് പ്രവൃത്തിദിവസങ്ങളില്‍ ലഭ്യമാകും. ക്വട്ടേഷനുകള്‍ ഓഗസ്റ്റ് 21ന് ഉച്ചയ്ക്ക് ഒന്ന് വരെ എക്‌സിക്യൂട്ടീവ് എഞ്ചിനീയറുടെ കാര്യാലയത്തില്‍ സ്വീകരിക്കും. ഫോണ്‍: 0466 2960090.

ദര്‍ഘാസ് ക്ഷണിച്ചു

വനിതാ ശിശു വികസന വകുപ്പിന് കീഴില്‍ കുഴല്‍മന്ദം ഐ.സി.ഡി.എസ് പ്രോജക്ട് ഓഫീസ് ഉപയോഗത്തിനായി ടാക്സി പെര്‍മിറ്റുള്ളതും ഏഴ് വര്‍ഷത്തില്‍ കുറവ് കാലപ്പഴക്കമുള്ളതുമായ കാര്‍/ജീപ്പ് ഒരു വര്‍ഷത്തേക്ക് വാടകയ്ക്ക് നല്‍കുവാന്‍ തയ്യാറുള്ള വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും മത്സരസ്വഭാവമുള്ള ദര്‍ഘാസുകള്‍ ക്ഷണിച്ചു. അടങ്കല്‍ തുക 2,40,000 രൂപ. ദര്‍ഘാസുകള്‍ സ്വീകരിക്കുന്ന അവസാന തീയതി ഓഗസ്റ്റ് 29ന് ഉച്ചയ്ക്ക് 1.30 വരെ. ദര്‍ഘാസുകള്‍ ഉച്ചയ്ക്ക് രണ്ടിന് തുറക്കും. ദര്‍ഘാസ് സംബന്ധിച്ച് കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ കുഴല്‍മന്ദം ഐ.സി.ഡി.എസ് പ്രോജക്ട് ഓഫീസില്‍ നിന്ന് നേരിട്ടോ ഫോണ്‍ മുഖേനയോ അറിയാവുന്നതാണെന്ന് ശിശു വികസന പദ്ധതി ഓഫീസര്‍ അറിയിച്ചു. ഫോണ്‍: 04922 295232.

മരം ലേലം

പൊതുമരാമത്ത് വകുപ്പ് അസിസ്റ്റന്റ് എഞ്ചിനീയര്‍ റോഡ്‌സ് സെക്ഷന്‍ നമ്പര്‍ 1 ഓഫീസിന്റെ പരിധിയില്‍ വരുന്ന മരങ്ങളും ശിഖരങ്ങളും ലേലം ചെയ്യും. മേപ്പറമ്പ് കാവില്‍പ്പാട് റോഡില്‍ പുഴപ്പാലം എത്തുന്നതിന് മുമ്പ് വലതുവശത്തുള്ള ഇലന്തിമരത്തിന്റെ ഭീഷണിയുള്ള ശിഖരങ്ങള്‍ ഓഗസ്റ്റ് 22ന് രാവിലെ 10.30നും, പാലക്കാട് – പൊന്നാനി റോഡില്‍ ഫ്‌ലോര്‍വേള്‍ഡ് ടൈല്‍സ് ഷോപ്പിന് സമീപം നില്‍ക്കുന്ന മഴവാക മരം രാവിലെ 11നും പാലക്കാട് – പൊന്നാനി റോഡില്‍ പത്തിരിപ്പാല വൈറ്റ് സാന്റ് ഹോട്ടലിന് സമീപത്തെ മഹാഗണി മരം, പൂവാകയുടെ ശിഖരം എന്നിവ രാവിലെ 11.30നും ലേലം ചെയ്യും. അതത് സ്ഥലത്താണ് ലേലം നടക്കുക.

ബിരുദ കോഴ്‌സുകളില്‍ സീറ്റൊഴിവ്

തോലനൂര്‍ ഗവ ആര്‍ട്‌സ് ആന്‍ഡ് സയന്‍സ് കോളേജില്‍ ഒന്നാം വര്‍ഷ ബിരുദ കോഴ്‌സുകളില്‍ സീറ്റൊഴിവുണ്ട്. ബി.കോം ഫിനാന്‍സ് ഓണേഴ്‌സ്: എസ്.ടി – 2, ഒ.ബി.എക്‌സ് – 1, ബി.എസ്.സി ജോഗ്രഫി ഓണേഴ്‌സ്:  ഇ.ഡബ്ല്യു.എസ് – 2, എല്‍.സി – 1, ബി.എ ഇംഗ്ലീഷ് ഓണേഴ്‌സ്: എസ്.ടി – 2 എന്നിങ്ങനെയാണ് ഒഴിവ്. യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ കോപ്പി, കലിക്കറ്റ് സര്‍വകലാശാല അഡ്മിഷന്‍ പോര്‍ട്ടലില്‍ രജിസ്റ്റര്‍ ചെയ്തതിന്റെ പ്രിന്റ് ഔട്ട് എന്നിവയടങ്ങിയ അപേക്ഷ ഓഗസ്റ്റ് 19ന് ഉച്ചയ്ക്ക് മൂന്നിന് മുമ്പായി കോളേജില്‍ ഹാജരാക്കണം. ഫോണ്‍: 9497605460.

ബിരുദ കോഴ്‌സുകളില്‍ സീറ്റൊഴിവ്

പട്ടാമ്പി ശ്രീ നീലകണ്ഠ സര്‍ക്കാര്‍ സംസ്‌കൃത കോളേജില്‍ വിവിധ ബിരുദ കോഴ്സുകളില്‍ ഒന്നാം സെമസ്റ്ററിലേക്ക് ഒഴിവുള്ള സീറ്റുകളിലേക്ക് അഡ്മിഷന്‍ നേടാന്‍ ആഗ്രഹിക്കുന്നവര്‍ ഓഗസ്റ്റ് 16ന് രാവിലെ 10ന് പ്രിന്‍സിപ്പാള്‍ മുമ്പാകെ റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു. ബി.എസ്.സി സുവോളജി : ഒ.ബി.എക്‌സ് – 1, ബി.എസ്.സി കെമിസ്ട്രി : എസ്.ടി – 1, ബി.എസ്.സി ബോട്ടണി : ഒ.ബി.എക്‌സ്സ് – 1, ബി.എസ്.സി ഫിസിക്സ് : എസ്.ടി – 1, ബി.കോം – എസ്.ടി – 3, ബി.ബി.എ – എസ്.ടി – 1, ഒ.ബി.എക്‌സ് – 1, ബി.എ സംസ്‌കൃതം – എസ്.ടി – 3, ഇ.ഡബ്ലിയു.എസ് – 2, ബി.എ മലയാളം – എല്‍.സി – 1, ബി.എ ഇംഗ്ലീഷ് ആന്‍ഡ് ഹിസ്റ്ററി ഡബിള്‍ മെയിന്‍ – ഒ.ബി.എക്‌സ് – 1, ബി.എ അറബിക് – ഇ.ടി.ബി – 3, ഒ.ബി.എച്ച് – 1, ഒ.ബി.എക്സ് – 1, ഇ.ഡബ്ലിയു.എസ് – 5, എസ്.സി – 8, എസ്.ടി – 2 എന്നിങ്ങനെയാണ് ഒഴിവുകള്‍. ഫോണ്‍: 04662 212223.

അധ്യാപക ഒഴിവ്

അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ 2024-25 വര്‍ഷത്തേക്ക് എച്ച്.എസ്.ടി  ഹിന്ദി തസ്തികയില്‍ ദിവസവേതനാടിസ്ഥാനത്തില്‍ നിയമിക്കുന്നതിനായി വാക്ക്-ഇന്‍-ഇന്റര്‍വ്യൂ നടത്തും. നിയമനം റസിഡന്‍ഷ്യല്‍ സ്വഭാവമുള്ളതായതിനാല്‍ സ്‌കൂളില്‍ താമസിച്ചു ജോലി ചെയ്യാന്‍ താത്പര്യമുള്ളവര്‍ മാത്രം പങ്കെടുക്കുക. പി.എസ്.സി നിഷ്‌കര്‍ഷിക്കുന്ന യോഗ്യതകളുള്ള ഉദ്യോഗാര്‍ഥികള്‍ക്ക് ഇന്റര്‍വ്യൂവില്‍ പങ്കെടുക്കാം. ഉദ്യോഗാര്‍ഥികള്‍ ഓഗസ്റ്റ് 16ന് രാവിലെ 11.30ന് മുക്കാലിയിലെ അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ യോഗ്യത, വയസ്സ് എന്നിവ തെളിയിക്കുന്ന സര്‍ട്ടിഫിക്കറ്റുകള്‍, തിരിച്ചറിയല്‍ രേഖ എന്നിവയുടെ അസ്സലും പകര്‍പ്പുകളും സഹിതം ഹാജരാകണം. ഫോണ്‍: 04924 253347.