ചേലക്കര നിയോജകമണ്ഡലം ഉപതിരഞ്ഞെടുപ്പിനോടനുബന്ധിച്ച് വോട്ടെണ്ണല്‍ കേന്ദ്രമായ ചെറുതുരുത്തി ഗവ. ഹയര്‍ സെക്കണ്ടറി സകൂളിന് നാളെ (നവംബര്‍ 23) ജില്ലാ തിരഞ്ഞെടുപ്പ് ഉദ്യോഗസ്ഥന്‍കൂടിയായ ജില്ലാ കളക്ടര്‍ അവധി പ്രഖ്യാപിച്ചു. വോട്ടെണ്ണലുമായി ബന്ധപ്പെട്ട് കനത്ത സുരക്ഷ ഉറപ്പാക്കുന്നതിനായി വോട്ടെണ്ണലിന് നേരിട്ട് ബന്ധമുള്ള ഉദ്യോഗസ്ഥര്‍ക്കും വോട്ടെണ്ണലിന് അനുമതി ലഭ്യമായ സ്ഥാനാര്‍ത്ഥികളുടെ ഏജന്റുമാര്‍ക്കും തിരഞ്ഞെടുപ്പ് കമ്മീഷന്റെ അനുമതിയുള്ള മാധ്യമപ്രവര്‍ത്തകര്‍ക്കും സുരക്ഷാ സേനയടക്കമുള്ള പോലീസ് സംവിധാനത്തിനുമല്ലാതെ മറ്റാര്‍ക്കും നവംബര്‍ 23 ന് വോട്ടെണ്ണല്‍ കേന്ദ്രത്തിലേക്ക് പ്രവേശനമുണ്ടായിരിക്കുന്നതല്ലെന്നും ഉത്തരവില്‍ പറയുന്നു.