മുതലമട ∙ ചുള്ളിയാർമേട്ടിൽ നിയന്ത്രണം വിട്ട കണ്ടെയ്നർ ലോറി മരത്തിലിടിച്ചതിനെ തുടർന്നു മരച്ചില്ലകൾ പൊട്ടി വീടിനു മുകളിലേക്കു വീണു. ഇന്നലെ വൈകിട്ടാണ് അപകടം. മംഗലം–ഗോവിന്ദാപുരം സംസ്ഥാനാന്തര പാതയിൽ ചുള്ളിയാർമേടുള്ള മുതലമട പഞ്ചായത്ത് ഓഫിസ് കഴിഞ്ഞുള്ള വളവു തിരിയുന്നതിനിടെയാണ് അപകടം ഉണ്ടായത്. കണ്ടെയ്നർ ലോറി ഇടിച്ചതിനെ തുടർന്നു മരത്തിന്റെ ഒരു ഭാഗം പൊട്ടി സമീപത്തുള്ള ബഷീറിന്റെ വീടിനു മുകളിലേക്കു വീഴുകയായിരുന്നു.