ജൂൺ മാസത്തെ റേഷൻ വിതരണം ജൂലൈ അഞ്ചു വരെ നീട്ടിയതായി ഭക്ഷ്യ പൊതുവിതരണ വകുപ്പ് മന്ത്രി ജി. ആർ അനിൽ അറിയിച്ചു. സ്റ്റോക്ക് തിട്ടപ്പെടുത്തുന്നതിന് റേഷൻ വ്യാപാരികൾക്ക് അനുവദിച്ചിട്ടുള്ള അവധി ആദ്യ പ്രവർത്തി ദിവസമായ ജൂലൈ ഒന്നാം തിയതിയ്ക്ക് പകരം ജൂലൈ ആറിനായിരിക്കും. ജൂലൈ മാസത്തെ റേഷൻ വിതരണം എട്ടാം തീയതി മുതൽ ആരംഭിക്കുന്നതാണെന്നും മന്ത്രി അറിയിച്ചു.
2023ലെ സംസ്ഥാന മാധ്യമ അവാർഡിന് എൻട്രികൾ ക്ഷണിച്ചു. 2023 ജനുവരി ഒന്നിനും ഡിസംബർ 31നുമിടയിൽ പ്രസിദ്ധീകരിച്ച വികസനോൻമുഖ റിപ്പോർട്ട്, ജനറൽ റിപ്പോർട്ട്, വാർത്താചിത്രം, കാർട്ടൂൺ എന്നിവയ്ക്കും ഈ കാലയളവിൽ സംപ്രേഷണം ചെയ്ത ടിവി വാർത്താ റിപ്പോർട്ട്, ക്യാമറ, വീഡിയോ എഡിറ്റിങ്, ടിവി ന്യൂസ് പ്രസന്റർ, മികച്ച അഭിമുഖം, സാമൂഹ്യ ശാക്തീകരണ റിപ്പോർട്ട് എന്നിവയ്ക്കുമാണ് അവാർഡുകൾ നൽകുന്നത്. സമൂഹത്തിലെ ഗുണകരമായ കാര്യങ്ങളെ സ്പർശിക്കുന്നതും വികസനം, സംസ്കാരം, സാമൂഹ്യ ജീവിതം തുടങ്ങിയ രംഗങ്ങളിൽ അനുകരണീയ മാതൃകകൾ പ്രകാശിപ്പിക്കുന്നതുമായ ടിവി റിപ്പോർട്ടുകൾക്കാണ് സാമൂഹ്യ ശാക്തീകരണ റിപ്പോർട്ടിങ് അവാർഡ് നൽകുന്നത്. വികസനോൻമുഖ റിപ്പോർട്ടിങ്, ജനറൽ റിപ്പോർട്ടിങ്, കാർട്ടൂൺ അവാർഡുകൾക്കായി അവ …
കാൻസർ ചികിത്സയ്ക്കുള്ള മരുന്നുകൾ, അവയവം മാറ്റിവയ്ക്കൽ ശസ്ത്രക്രിയകൾക്ക് ശേഷം ഉപയോഗിക്കേണ്ട മരുന്നുകൾ എന്നീ വില കൂടിയ മരുന്നുകൾ സംസ്ഥാനത്ത് ലാഭം ഒട്ടുമില്ലാതെ സീറോ പ്രോഫിറ്റായി രോഗികൾക്ക് നൽകുമെന്ന് ആരോഗ്യ വകുപ്പ് മന്ത്രി വീണാ ജോർജ്. സംസ്ഥാനത്തെ കാൻസർ മരുന്ന് വിപണിയിൽ കേരള സർക്കാർ ഇതിലൂടെ നിർണായക ഇടപെടലാണ് നടത്തുന്നത്. 800 ഓളം വിവിധ മരുന്നുകൾ കമ്പനി വിലയ്ക്ക് തന്നെ ലഭ്യമാകുന്നതാണ്. കുറഞ്ഞ വിലയ്ക്ക് മരുന്നുകൾ ലഭ്യമാക്കുന്നതിലൂടെ ചികിത്സാ ചെലവ് കുറയുന്നത് രോഗികൾക്ക് വളരെയേറെ ആശ്വാസമാകുന്നതാണ്. വളരെ വിലപിടിപ്പുള്ള മരുന്നുകൾ …
കാൻസർ മരുന്ന് വിപണിയിൽ സർക്കാരിന്റെ നിർണായക ഇടപെടൽ: മന്ത്രി വീണാ ജോർജ് Read More »
സംസ്ഥാനത്തെ ഉന്നതവിദ്യാഭ്യാസ മേഖലയിലെ സുപ്രധാന നാഴികക്കല്ലായ നാലുവർഷ ബിരുദ പ്രോഗ്രാമുകൾക്ക് ജൂലൈ ഒന്നിന് ‘വിജ്ഞാനോത്സവ’ത്തോടെ തുടക്കമാവുമെന്ന് ഉന്നതവിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആർ ബിന്ദു പറഞ്ഞു. നാലുവർഷ ബിരുദ ക്ലാസ്സുകൾ ആരംഭിക്കുന്ന ജൂലൈ ഒന്ന് ‘വിജ്ഞാനോത്സവമായി’ സംസ്ഥാനത്തെ ക്യാമ്പസുകൾ ആഘോഷിക്കും. നാലുവർഷ ബിരുദ പ്രോഗ്രാമുകളുടെ സമാരംഭവും സംസ്ഥാനതല വിജ്ഞാനോത്സവവും മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. തിരുവനന്തപുരം ഗവ. വിമൻസ് കോളേജിൽ ഉച്ചക്ക് 12 ന് നടക്കുന്ന ഉദ്ഘാടനച്ചടങ്ങിൽ ഉന്നതവിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആർ ബിന്ദു അധ്യക്ഷത വഹിക്കും. സംസ്ഥാനത്തെ ഉന്നതവിദ്യാഭ്യാസ മേഖലയെ …
നാലുവർഷ ബിരുദ കോഴ്സ് വിജ്ഞാനോത്സവത്തോടെ ജൂലൈ ഒന്നിന് തുടങ്ങും: മന്ത്രി ഡോ. ആർ ബിന്ദു Read More »
ലഹരി വസ്തുക്കളുടെ ഉപയോഗത്തിനെതിരേയും സൈബറിടത്തിലെ മാന്യമായ ഇടപെടല് സംബന്ധിച്ചും സ്കൂളുകള് കേന്ദ്രീകരിച്ച് ബോധവല്ക്കരണം സംഘടിപ്പിക്കുമെന്ന് വനിതാ കമ്മിഷന് അംഗം വി.ആര്. മഹിളാമണി പറഞ്ഞു. പാലക്കാട് ഗവ. ഗസ്റ്റ് ഹൗസില് നടത്തിയ സിറ്റിംഗിനു ശേഷം സംസാരിക്കുകയായിരുന്നു വനിതാ കമ്മിഷന് അംഗം.വനിതാ കമ്മിഷന് മുന്പാകെ വരുന്ന പരാതികള് പഠിച്ച് ആവശ്യമായ മേഖലകള്ക്ക് ഊന്നല് നല്കി ബോധവത്കരണ പരിപാടികള് നടത്തി വരുന്നുണ്ട്. ഗാര്ഹിക പീഡന നിയമം, സ്ത്രീധന നിരോധന നിയമം, തൊഴില് നിയമങ്ങള്, പോഷ് ആക്ട്, സൈബര് നിയമങ്ങള്, സ്ത്രീ സുരക്ഷയുമായി …
സ്കൂളുകളില് വനിതാ കമ്മിഷന് ബോധവല്ക്കരണം നടത്തും: വി.ആര്. മഹിളാമണി Read More »
പണം നല്കിയാല് നിയമനം നല്കാമെന്ന് വാട്സാപ്പിലും ഫോണിലും ചിലര് സന്ദേശം നല്കുന്നതായി ശ്രദ്ധയില്പ്പെട്ട സാഹചര്യത്തില്, ഇത്തരം തട്ടിപ്പുകളില് കുടുങ്ങാതെ ഉദ്യോഗാര്ഥികള് ശ്രദ്ധിക്കണമെന്ന് കൊടുങ്ങല്ലൂര് എംപ്ലോയ്മെന്റ് ഓഫീസര് അറിയിച്ചു. ഈ തട്ടിപ്പിന് എംപ്ലോയ്മെന്റ് എക്സ്ചേഞ്ചിന്റെ പേര് ദുരുപയോഗം ചെയ്യുന്നതായി അറിഞ്ഞാല്, വിവരം എംപ്ലോയ്മെന്റ് എക്സ്ചേഞ്ചില് അറിയിക്കാനും നിര്ദേശിച്ചു. ഫോണ്: 0480 2808060,
ജില്ല പഞ്ചായത്തില് ഒരു വനിത വായനശാല തുറന്നിരിപ്പുണ്ട്… വായനയില് താല്പര്യമുളള വീട്ടമ്മമാരുണ്ടോ?പാലക്കാട് ജില്ല പഞ്ചായത്തില് വനിതകള്ക്ക് മാത്രമായി ഒരു വായനശാല തുറന്നിരിപ്പുണ്ട്.2019-ല് ജില്ലാ പഞ്ചായത്ത് ഫണ്ടില് കുടുംബശ്രീയുടെ ആഭിമുഖ്യത്തിലാണ് ഈ ലൈബ്രറിയുടെ പ്രവര്ത്തനത്തിന്് തുടക്കമിട്ടത്. കഥകള്, കവിതകള്, നോവലുകള്, യാത്രാവിവരണം തുടങ്ങി അഞ്ഞൂറോളം പുസ്തകങ്ങളുണ്ട് ഇവിടെ. വായിക്കാന് താല്പര്യമുള്ള വീട്ടമ്മമാര്ക്ക് ലൈബ്രറിയില് സൗജന്യമായി അംഗത്വം നേടാം. വായനവാരത്തോടനുബന്ധിച്ച് ജില്ലാ ഇന്ഫര്മേഷന് ഓഫീസ്, ജില്ലാ പഞ്ചായത്ത്, ലൈബ്രറി കൗണ്സില്, ജില്ലാ സാക്ഷരതാ മിഷന് എന്നിവരുമായി സഹകരിച്ച് ജൂലൈ 6ന് ഉച്ചയ്ക്ക് …
വയോജനങ്ങള്ക്ക് മക്കള് സംരക്ഷണം ഉറപ്പാക്കണമെന്ന് കേരള വനിതാ കമ്മിഷന് അംഗം അഡ്വ. ഇന്ദിരാ രവീന്ദ്രന് പറഞ്ഞു. തൃശൂര് ടൗണ് ഹാളില് നടത്തിയ ജില്ലാതല സിറ്റിംഗില് പരാതികള് തീര്പ്പാക്കിയ ശേഷം സംസാരിക്കുകയായിരുന്നു വനിതാ കമ്മിഷന് അംഗം. പ്രായാധിക്യത്താല് ബുദ്ധിമുട്ടിലായ അമ്മമാരെ സംരക്ഷിക്കാന് മക്കള് തയാറാകാത്തതും, ഒന്നില് കൂടുതല് മക്കള് ഉള്ള വീടുകളില് അമ്മമാരെ നോക്കുന്നതുമായി ബന്ധപ്പെട്ട തര്ക്കങ്ങളും കമ്മിഷന് മുന്നില് വരുന്നുണ്ട്. അഭ്യസ്തവിദ്യരും നല്ല ജോലിയില് ഇരിക്കുന്ന മക്കള് പോലും സ്വന്തം അമ്മമാരെ നോക്കുന്നതില് വിമുഖതയും കണക്കു പറച്ചിലും …
വയോജനങ്ങള്ക്ക് സംരക്ഷണം ഉറപ്പാക്കണം: അഡ്വ. ഇന്ദിരാ രവീന്ദ്രന് Read More »
കേരളത്തിൽ ഏറ്റവും കൂടുതൽ നാശനഷ്ടവും ജീവഹാനിയും ഉണ്ടാക്കുന്ന സംസ്ഥാന സവിശേഷ ദുരന്തമാണ് ശക്തമായ കാറ്റ്. ശക്തമായ കാറ്റിൽ മരങ്ങൾ കടപുഴകിയും ചില്ലകൾ ഒടിഞ്ഞു വീണും അപകടങ്ങൾ ഉണ്ടാകാനുള്ള സാധ്യതയുണ്ട്. കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടിൽ നിൽക്കാൻ പാടുള്ളതല്ല. മരച്ചുവട്ടിൽ വാഹനങ്ങളും പാർക്ക് ചെയ്യരുത്. വീട്ടുവളപ്പിലെ മരങ്ങളുടെ അപകടകരമായ രീതിയിലുള്ള ചില്ലകൾ വെട്ടിയൊതുക്കണം. അപകടാവസ്ഥയിലുള്ള മരങ്ങൾ പൊതുവിടങ്ങളിൽ ശ്രദ്ധയിൽ പെട്ടാൽ ബന്ധപ്പെട്ട തദ്ദേശ സ്ഥാപനങ്ങളെ അറിയിക്കുക. ഉറപ്പില്ലാത്ത പരസ്യ ബോർഡുകൾ, ഇലക്ട്രിക് പോസ്റ്റുകൾ, കൊടിമരങ്ങൾ …
ശക്തമായ കാറ്റിനെ നേരിടാനുള്ള പൊതുജാഗ്രത നിർദ്ദേശങ്ങൾ Read More »
പ്ലസ് വൺ പഠനം ആഗ്രഹിക്കുന്ന എല്ലാ വിദ്യാർഥികൾക്കും പ്രവേശനം ഉറപ്പാക്കുമെന്നും മലപ്പുറത്തെ നിലവിലെ സാഹചര്യം പരിഗണിച്ച് പുതിയ താൽക്കാലിക ബാച്ച് അനുവദിക്കാനുള്ള ആവശ്യം തത്വത്തിൽ അംഗീകരിച്ചതായും പൊതുവിദ്യാഭ്യാസ മന്ത്രി വി ശിവൻകുട്ടി പറഞ്ഞു. പ്ലസ് വൺ പ്രവേശനവുമായി ബന്ധപ്പെട്ട് വിദ്യാർഥി സംഘടനാ പ്രതിനിധികളുമായി നടത്തിയ ചർച്ചക്ക് ശേഷം സംസാരിക്കുകയായിരുന്നു മന്ത്രി. സെക്രട്ടേറിയേറ്റ് അനക്സിൽ നടന്ന ചർച്ചയിൽ 15 വിദ്യാർഥി സംഘടനാ പ്രതിനിധികൾ പങ്കെടുത്തു. മലപ്പുറം ജില്ലയിലെ നിലവിലെ സാഹചര്യം കണക്കിലെടുത്ത് ഇക്കാര്യം പരിശോധിച്ച് റിപ്പോർട്ട് നൽകാൻ രണ്ട് അംഗ സമിതിയെ …
മലപ്പുറത്ത് പ്ലസ് വൺ താൽക്കാലിക ബാച്ച് അനുവദിക്കും: മന്ത്രി വി ശിവൻകുട്ടി Read More »
കണ്ടണശ്ശേരി പഞ്ചായത്തിലെ ആളൂരില് പ്രവര്ത്തിക്കുന്ന ചിരാഗ് ഫുഡ് ആന്ഡ് ഡയറി പ്രൊഡക്സിന്റെ ‘ചിരാഗ് പ്യുവര് കൗ ഗീ’ എന്ന ഉത്പ്പന്നത്തിന്റെ വില്പന നിരോധിച്ചതായി ഭക്ഷ്യസുരക്ഷാ അസി. കമ്മീഷണര് ബൈജു പി ജോസഫ് അറിയിച്ചു. മണലൂര്, ചേലക്കര ഭക്ഷ്യസുരക്ഷാ ഓഫീസര്മാര് ഈ സ്ഥാപനത്തില് നടത്തിയ പരിശോധനയില് ലേബല് ഇല്ലാതെ ടിന്നുകളില് സൂക്ഷിച്ച നെയ്യ് പിടിച്ചെടുക്കുകയും ചെയ്തു. സാമ്പിളുകളുടെ പരിശോധനയില് നെയ്യോടൊപ്പം എണ്ണയും കലര്ത്തിതയായി കണ്ടെത്തിയിട്ടുണ്ട്. സ്ഥാപനത്തില് നിന്നും 77.6 കി.ഗ്രാം പാക്ക് ചെയ്ത ബോട്ടിലുകളും ടിന്നുകളില് സൂക്ഷിച്ച 27.9 …
തിരുവനന്തപുരം: വിവര സാങ്കേതിക വിദ്യയുടെയും നിര്മ്മിത ബുദ്ധിയുടെയും റോബോട്ടിക്സിന്റെയും മേഖലകളില് അനുദിനം ഉണ്ടായിക്കൊണ്ടിരിക്കുന്ന ഏറ്റവും നൂതന ആശയങ്ങളെ സമൂഹത്തിന്റെ പുനര്നിര്മ്മാണത്തിന് ഉപയോഗിച്ച് മാത്രമേ ഈ കാലഘട്ടത്തില് നമുക്ക് മുന്നോട്ട് പോകാന് കഴിയൂ എന്ന് ഉന്നതവിദ്യാഭ്യാസ വകുപ്പ് മന്ത്രി ഡോ. ആര്. ബിന്ദു പറഞ്ഞു. കേരള സര്ക്കാരിന്റെ സഹകരണത്തോടെ ടെക്നോപാര്ക്കില് പ്രവര്ത്തിക്കുന്ന ഐ.സി.ടി. അക്കാദമി ഓഫ് കേരളയുടെ പത്താം വാര്ഷികാഘോഷങ്ങളുടെ ഉദ്ഘാടനം നിര്വ്വഹിച്ച് സംസാരിക്കുകയായിരുന്നു മന്ത്രി. കേരളത്തെ നവ വൈജ്ഞാനിക സമൂഹമായി രൂപീകരിക്കുന്നതിൽ ഐ.സി.ടി. അക്കാദമി ഓഫ് കേരള …
മണ്ണാര്ക്കാട് വനം ഡിവിഷനിലെ അഗളി റേഞ്ചിലെ ഷോളയൂര് ഫോറസ്റ്റ് സ്റ്റേഷന് പരിധിയിലെ വട്ടലക്കി ഭാഗത്ത് ജൂണ് പത്തിന് അവശനിലയില് കണ്ടെത്തിയ പുള്ളിപുലിയെ അസിസ്റ്റന്റ്് ഫോറസ്റ്റ് വെറ്റിനറി സര്ജന് ഡോക്ടര് ഡേവിഡ് എബ്രഹാമിന്റെ നേതൃത്വത്തില് പരിശോധിച്ചതില് കടുവയുടെ ആക്രമണത്തില് പുലിയുടെ കഴുത്തില് പരിക്ക് കണ്ടെത്തുകയും ചികിത്സ നല്കുകയും ചെയ്തു. തുടര്ന്ന് മണ്ണുത്തി വെറ്റിനറി സര്വകലാശാലയില് നിന്നും ഡോക്ടര്മാരുടെ വിദഗ്ദ്ധ സംഘം എത്തി പുലിയെ പരിശോധിച്ചു. അവരുടെ നിര്ദേശപ്രകാരം വിദഗ്ദ്ധ ചികിത്സക്കായി ജൂണ് 15ന് ധോണിയിലെ വന്യജീവി ആരോഗ്യ കേന്ദ്രത്തിലേക്ക് …
അവശ നിലയില് കണ്ടെത്തിയ പുള്ളിപ്പുലിയുടെ ആരോഗ്യനില മെച്ചപ്പെട്ടു Read More »
അഗളി ഗ്രാമപഞ്ചായത്ത് സാമൂഹിക ആരോഗ്യ കേന്ദ്രത്തിന്റെ നേതൃത്വത്തില് ആരോഗ്യവകുപ്പ് കള്ളമല, ഓടപ്പെട്ടി, കണ്ടിയൂര് എന്നീ സ്ഥലങ്ങളിലെ ഹോട്ടലുകള്, ബേക്കറികള്, ഇറച്ചിക്കടകള്, പലചരക്കുകടകള് തുടങ്ങിയ വ്യാപാര സ്ഥാപനങ്ങളില് ആരോഗ്യവകുപ്പിന്റെ നേതൃത്വത്തില് പരിശോധന നടത്തി. ശുചിത്വ മാനദണ്ഡങ്ങള് പാലിക്കാതെ പ്രവര്ത്തിച്ചുവന്നിരുന്ന ഓടപ്പെട്ടിയിലെ അമ്പാടി ടീ സ്റ്റാള് എന്ന സ്ഥാപനം അടച്ചുപൂട്ടി. കണ്ടിയൂരിലെ ഹരിത സ്റ്റോറില് നിന്നും പഴകിയ ഭക്ഷണസാധനങ്ങള് പിടിച്ചെടുത്ത് നശിപ്പിച്ചു. നാല് കടകള്ക്ക് പൊതുജനാരോഗ്യ നിയമപ്രകാരമുള്ള മുന്നറിയിപ്പ് നോട്ടീസ് നല്കി. നിയമാനുസൃത പുകയില മുന്നറിയിപ്പ് ബോര്ഡ് സ്ഥാപിക്കാത്ത സ്ഥാപനങ്ങളില് …
അഗളിയില് വ്യാപാര സ്ഥാപനങ്ങളില് ആരോഗ്യവകുപ്പിന്റെ പരിശോധന Read More »
തൃശൂര് പാലക്കാട് ജില്ലകളില് സമീപ ദിവസങ്ങളിലുണ്ടായ ഭൂകമ്പത്തെ തുടര്ന്ന് റവന്യൂ തദ്ദേശസ്വയംഭരണ വകുപ്പ് ഉദ്യോഗസ്ഥരുടെ പരിശോധനയുടെ അടിസ്ഥാനത്തില് നിയമപരമായ നഷ്ടപരിഹാരം നല്കുന്നതിന് നടപടി സ്വീകരിക്കുമെന്ന് റവന്യൂ മന്ത്രി കെ.രാജന് നിയമസഭയില് പറഞ്ഞു. എംഎല്എ എ സി മൊയ്തീന് അവതരിപ്പിച്ച സബ്മിഷന് മറുപടി നല്കി സംസാരിക്കുകയായിരുന്നു മന്ത്രി. ഭൂകമ്പത്തെ ദേശീയ ദുരന്തമായി അംഗീകരിച്ചിട്ടുണ്ട്. ഭൂകമ്പങ്ങളുടെ പ്രഭവ കേന്ദ്രങ്ങളും, ഭൂകമ്പം അനുഭവപ്പെട്ടു എന്ന് പൊതുജനങ്ങൾ അറിയിച്ച സ്ഥലങ്ങളും പരിശോധിച്ചതിൽ, കേരളത്തിലെ പെരിയാർ ഭ്രംശപാളി, കേരള ഭ്രംശപാളി എന്നിവയുമായി ബന്ധപ്പെട്ട ചെറു …
ഉയരമുള്ള മാവില് നിന്നും വീണ് മലദ്വാരത്തില് വലിയൊരു കമ്പ് കുത്തികയറിയ അവസ്ഥയിലാണ് കഴിഞ്ഞ നവംബര് പത്താം തീയതി രാത്രിയില് തൃശൂര് മെഡിക്കല് കോളേജ് ആശുപത്രി അത്യാഹിത വിഭാഗത്തില് എത്തിയത്. കമ്പ് വലിച്ചൂരിയ നിലയില് അതികഠിനമായ വയറുവേദനയും മലദ്വാരത്തിലൂടെയുള്ള രക്തസ്രാവവുമായാണ് കുട്ടിയെ ആശുപത്രിയില് എത്തിച്ചത്. മലാശയത്തിന് പരിക്ക് കണ്ടതിനാല് ഉടനടി അടിയന്തര ശസ്ത്രക്രിയ നടത്താന് തീരുമാനിച്ചു. പീഡിയാട്രിക് സര്ജറി വിഭാഗത്തിന് കീഴില് അഡ്മിറ്റ് ചെയത് ഉടനടി അതി സങ്കീര്ണമായ അടിയന്തര ശസ്ത്രക്രിയ ചെയ്തു. മലദ്വാരം മുതല്, മലാശയവും, കുടലും …
സ്കൂളുകളില് ഭക്ഷ്യസുരക്ഷ, ഗുണനിലവാരം ഉറപ്പാക്കുന്നതിന് എഫ്.എസ്.എസ്.എ.ഐ മാനദണ്ഡങ്ങള് നടപ്പാക്കണമെന്ന് ജില്ലാ ഭക്ഷ്യസുരക്ഷാ ഉപദേശക സമിതി യോഗം. വ്യക്തിശുചിത്വം, ആരോഗ്യം എന്നിവ ഉറപ്പാക്കുന്നതിന് ഭക്ഷണം പാകം ചെയ്യുന്നവര് മെഡിക്കല് ഫിറ്റ്നസ് സര്ട്ടിഫിക്കറ്റ്/ ഹെല്ത്ത് കാര്ഡ് എടുക്കണം. ആരോഗ്യപ്രശ്നങ്ങള് ഇല്ലാത്തവരെ മാത്രമേ പാചകം ചെയ്യാന് അനുവദിക്കാവൂ. മികച്ച പ്രവര്ത്തനം നടത്തുന്ന സ്കൂളുകള്ക്ക് ‘ഈറ്റ് റൈറ്റ് സ്കൂള്’ പദ്ധതി പ്രകാരം സര്ട്ടിഫിക്കേഷന് സമ്മാനിക്കും. എ.ഡി.എം ടി.മുരളിയുടെ അധ്യക്ഷതയില് ചേര്ന്ന യോഗത്തിലാണ് നിര്ദേശം നല്കിയത്. ശക്തന് ബസ് സ്റ്റാന്റിന് സമീപത്തെ ആകാശപാതയുടെ കീഴിലെ …
സ്കൂളുകളില് ഭക്ഷ്യസുരക്ഷ മാനദണ്ഡങ്ങള് നടപ്പാക്കണം: ഭക്ഷ്യസുരക്ഷാ ഉപദേശക സമിതി Read More »
പി.എന് പണിക്കര് അനുസ്മരണാര്ത്ഥം പാലക്കാട് ജില്ലാ ഇന്ഫര്മേഷന് ഓഫീസ് ,ജില്ലാ പഞ്ചായത്ത് ,ജില്ലാ സാക്ഷരത മിഷന്, ജില്ലാ ലൈബ്രറി കൗണ്സില് എന്നിവരുടെ സഹകരണത്തോടെ ഇന്ന് (്ജൂണ് 19ന്) വായന പക്ഷാചരണവും വായന ദിനാചരണവും സംഘടിപ്പിക്കുന്നു. ജില്ലാതല ഉദ്ഘാടനം ജില്ലാ പഞ്ചായത്ത് ഹാളില് രാവിലെ 10-ന് ജില്ല പഞ്ചായത്ത് പ്രസിഡന്റ് കെ.ബിനുമോള് നിര്വഹിക്കും. ജില്ലാ പഞ്ചായത്ത് വൈസ് പ്രസിഡന്റ് സി.കെ ചാമുണ്ണി അധ്യക്ഷനാകും. കാഴ്ച പരിമിതര്ക്കിടയില് വായന പ്രോത്സാഹിപ്പിക്കുക എന്ന ലക്ഷ്യത്തോടെ കേരള ഫെഡറേഷന് ഓഫ് ബ്ലൈന്ഡ് രചിച്ച ബ്രയില് …
തൃത്താലയുടെ വിവിധ ഭാഗങ്ങളില് ശനിയാഴ്ച രാവിലെ 8.15 ഓടെ വ്യാപകമായി ഭൂമികുലുക്കം രേഖപ്പെടുത്തിയതിനെ തൂടര്ന്ന് മൈനിങ് ആന്ഡ് ജിയോളജി വകുപ്പ് ജില്ലാ ഓഫീസര് എം.വി വിനോദ്, അസിസ്റ്റന്റ് ജിയോളജിസ്റ്റ് ആരോണ് വില്സന് എന്നിവര് സ്ഥലം സന്ദര്ശിച്ചു. ഭൂചലനമുണ്ടായ ചാഴിയാട്ടിരി, കക്കാട്ടിരി പ്രദേശങ്ങളില് സംഘം പരിശോധന നടത്തി. പ്രദേശത്ത് വലിയ മുഴക്കവും കുലുക്കവും അനുഭവപ്പെട്ടതായി പ്രദേശവാസികള് പറഞ്ഞു. ആളപായമോ അപകടമോ ഉണ്ടായിട്ടില്ല. കണ്ട്രോള് റൂം തുറന്നു തദ്ദേശ സ്വയംഭരണ വകുപ്പ് ജില്ലാ ജോയിന്റ് ഡയറക്ടറുടെ കാര്യാലയത്തില് മഴക്കെടുതി, സാംക്രമിക …
ഭൂമികുലുക്കം: മൈനിങ് ആന്ഡ് ജിയോളജി ഉദ്യോഗസ്ഥര് സ്ഥലം സന്ദര്ശിച്ചു Read More »
